//single page style gallary page

Questions? reply in 15 minutes!

Questions? reply in 15 minutes!

కశ్మీర్‌ లో బాంబు పేలుడు : ఉగ్రవాదుల దుశ్చర్య

Category : world

కశ్మీర్‌లో ఉగ్రవాదులు మరోసారి దుశ్చర్యకు పాల్పడ్డారు.

జమ్మూ కశ్మీర్‌లోని బారామూల్లా జిల్లా సోపోర్ ప్రాంతంలో శక్తివంతమైన పేలుడు పదార్థాలను పేల్చిన ఉగ్రవాదులు నలుగురు పోలీసులను పొట్టనబెట్టుకున్నారు. ఈ పేలుడు ధాటికి మృతి చెందిన నలుగురు పోలీసుల్లో ముగ్గుర్ని గుర్తించినట్లు అధికారులు తెలిపారు. వీరిలో దోడా ఏఎస్ఐ ఇర్షాద్, కుప్వారాకు చెందిన అమిన్, సోపోర్‌కు చెందిన గులామ్ నబీ తెలిపారు.

ఈ బాంబు పేలుడు ఘటనలో ముగ్గురు పోలీసులు అక్కడిక్కడే ప్రాణాలు కోల్పోగా, తీవ్రంగా గాయపడి మరో వ్యక్తి చికిత్స పొందుతూ మృతి చెందినట్లు పోలీస్ అధికారులు తెలియజేశారు. ఉగ్రమూకల బాంబు దాడిపై జమ్మూ కశ్మీర్ ముఖ్యమంత్రి మెహబూబా ముఫ్తీ తీవ్ర విచారం వ్యక్తం చేశారు. మూడు రోజుల కిందట ఇదే ప్రాంతంలో సాయుధుడైన గుర్తుతెలియని ఓ ఉగ్రవాది అరిఫ్ మక్బూల్ సోఫీ అనే పోలీసును హతమార్చాడు.

ఈ దాడిలో సోఫీ ఘటనాస్థలిలోనే ప్రాణాలు కోల్పోయాడు. ఈ బాంబు దాడి ఘటనపై కేసు నమోదు చేసిన పోలీసులు, దర్యాప్తును ముమ్మరం చేశారు. మరోవైపు హురియత్ కాన్ఫరెన్స్ అధ్యక్షుడు మిర్వాయిజ్ ఉమర్ ఫరూక్ ఈ మరణకాండను తీవ్రంగా ఖండిచారు. నాలుగు రోజుల కిందట పుల్వామాలో సీఆర్పీఎఫ్ శిక్షణ కేంద్రంపై లష్కరే తొయిబా ఉగ్రవాదులు మెరుపు దాడికి పాల్పడిన విషయం తెలిసిందే. ఈ దాడిలో ఐదుగురు సీఆర్పీఎఫ్ జవాన్లు అమరులయ్యారు. సైన్యం కూడా ఉగ్రవాదులపై ఎదురు కాల్పులు జరిపి ముగ్గుర్ని హతమార్చింది.