//single page style gallary page

Questions? reply in 15 minutes!

Questions? reply in 15 minutes!

జన్మదిన దినం జనవరి ఒకటే!!

Category : national

చిన్నా, పెద్దా అని తేడా లేకుండా అక్కడ అందరూ జనవరి 1నే పుట్టారంట..! అదేంటీ.. అందరూ ఒకే తేదీన ఎలా పుడతారని ఆశ్చర్యపోతున్నారా? కానీ వారి ఆధార్‌ కార్డులు మాత్రం అదే చెబుతున్నాయి. ఉత్తరాఖండ్‌లోని హరిద్వార్‌ గైండి ఖాటా గ్రామంలో ఈ వింత చోటుచేసుకుంది. వారి ఆధార్‌ కార్డుల ప్రకారం గ్రామస్తులు జనవరి ఒకటో తేదీనే జన్మించారు.దాదాపు గ్రామంలోని 800 కుటుంబాల్లోని వాళ్లందరిదీ ఇదే పరిస్థితి. దీనిపై గ్రామస్థులు ఆగ్రహం వ్యక్తం చేస్తున్నారు. ఓటర్‌ ఐడీ, రేషన్‌ కార్డులను చూపించి ఓ ప్రైవేటు ఏజెన్సీ ద్వారా వారంతా ఆధార్‌ కార్డులు తీసుకున్నారు. ఈ క్రమంలో ఈ తప్పిదం చోటుచేసుకుంది.ఆధార్‌లో పుట్టిన తేదీలు తప్పుగా రావడం ఇదేమీ తొలిసారి కాదు. ఆగ్రాలోని మూడు గ్రామాల్లోని ప్రజలందరీ పుట్టిన తేదీ జనవరి 1 అనే ఉంది. మరో గ్రామంలో అయితే.. వృద్ధురాలి వయసు 22, చిన్నారుల వయసు 60గా ఆధార్‌ కార్డుల్లో నమోదైన ఉదంతాలు వెలుగులోకి వచ్చాయి. అంతకుముందు రాజస్థాన్‌లోని ఓ గ్రామంలోనూ ఇలాగే చాలా మందికి ఆధార్‌ కార్డులో పుట్టిన తేదీ జనవరి 1 ఉన్న విషయం వెలుగులోకి వచ్చింది. తాజాగా జరిగిన పొరపాటుపై గ్రామస్థులు ఆందోళన వ్యక్తంచేస్తుండగా.. యూఐడీఏఐ అధికారులు మాత్రం ఈ తప్పిదాన్ని అంగీకరించకపోవడం గమనార్హం.