//single page style gallary page

Questions? reply in 15 minutes!

Questions? reply in 15 minutes!

ఏడాదికోసారైనా భారత్‌కు:బిల్‌గేట్స్‌

Category : world

మైక్రోసాఫ్ట్‌ అధినేత బిల్‌గేట్స్‌ భారత్ పై తనకున్న ఇష్టాన్ని ట్విట్టర్ ద్వారా పంచుకున్నారు. తాను ‘ఏడాదికోసారైనా భారత్‌కు రావాలనుకుంటున్నా. ఇక్కడికి వచ్చిన ప్రతిసారీ ఓ కొత్త విషయం నుంచి స్ఫూర్తి పొందుతున్నా’ అంటూ ట్విట్ చేశారు. గత సంవత్సరం భారత్ లో పర్యటించినప్పుడు తనకు ఎదురైన అనుభవాలను పంచుకున్నారు. భారత్‌ పర్యటన సందర్భంగా ఇండియాగేట్‌ వద్ద ఆటోలో ప్రయాణించిన ఫొటోను కూడా గేట్స్‌ పోస్టు చేశారు. అంతేగాక ప్రధానమంత్రి నరేంద్రమోదీపై ప్రశంసల వర్షం కురిపించారు బిల్‌గేట్స్‌.

మోదీ తీసుకువచ్చిన స్వచ్ఛ భారత్ తనకు ఎంతో స్ఫూర్తినిస్తోందని అన్నారు. మోదీ తొలిసారిగా స్వాతంత్య్ర దినోత్సవ కార్యక్రమంలో చేసిన ప్రసంగాన్ని గుర్తుచేసుకున్నారు. ‘‘మోదీ స్వచ్ఛభారత్‌ గురించి మాట్లాడుతూ,ఇప్పటికీ కొన్ని ప్రాంతాల్లో మహిళలకు కనీస సౌకర్యాలు లేవు,వారు బహిర్భూమికి వెళ్లాలంటే చీకటిపడేవరకు ఆగుతారు. అది వారి ఆరోగ్యానికి ఎంత నష్టం కలిగిస్తుందో తెలుసా? మన తల్లులు, సోదరీమణుల ఆత్మగౌరవాన్ని మనం కాపాడలేమా. వారికి టాయిలెట్స్‌ కట్టించలేమా? అని మోదీ ప్రశ్నించారు. మహిళలకు సంబంధించి ఈ సున్నితమైన అంశాన్ని ఓ దేశ నాయకుడు అంత స్పష్టంగా, బహిరంగంగా చెబుతాడని నేను వూహించలేదు. కానీ మోదీ చెప్పగలిగారు. స్వచ్ఛభారత్‌ గురించి ఇంకో ఆనందకరమైన విషయమేంటంటే.. దేశంలోని ఓ పెద్ద సమస్యను గుర్తించడమేగాక, దాని కోసం అందరూ సమిష్టిగా పనిచేస్తున్నారు’ అని గేట్స్‌ కొనియాడారు.