//single page style gallary page

Questions? reply in 15 minutes!

Questions? reply in 15 minutes!

బిగ్‌బాస్ సీజ‌న్‌- 2 : తొలిరోజే మొద‌లైన వివాదాలు.. నాని త‌ట్టుకునేనా..?

Category : movies

తెలుగు బుల్లితెర పై అనూహ్యంగా దూసుకువ‌చ్చిన బిగ్‌బాస్ తొలిసీజ‌న్‌.. ఊహించని రేంజ్‌లో స‌క్సెస్ అయ్యింది. దీంతో బిగ్‌బాస్ రెండో సీజ‌న్ పై స‌ర్వ‌త్రా ఆశ‌క్తి నెల‌కొంది. ఈ నేప‌ధ్యంలో ప్రేక్షకులు ఎప్పుడెప్పుడా అని ఎదురుచూసిన బిగ్ బాస్ సీజన్ 2 రానే వచ్చింది. సీజన్‌ 2లో ఎన్టీఆర్ ప్లేస్‌ని రీప్లేస్ చేస్తూ హోస్ట్‌గా వచ్చిన నేచురల్ స్టార్ నాని సూపర్ ఎనర్జీతో ఆదివారం సూపర్ ఎంట్రీ ఇచ్చారు. అయితే హోస్ట్‌గా నేచురల్‌ నటన కోసం కాస్త కష్టపడాల్సి వచ్చింది నాని.

ఇక గత బిగ్ బాస్ సీజన్‌లో అందరూ సెలబ్రిటీలే ఉండటంతో.. సామాన్య ప్రజల్ని కూడా బిగ్ బాస్ హౌస్‌లోకి తీసుకుంటే బాగుంటుందనే అభిప్రాయంతో ఏకీభవిస్తూ ఈసారి బిగ్ బాస్ హౌస్‌లో 16 మంది కంటెస్టెంట్‌లో ముగ్గురు కామర్ పీపుల్‌ని తీసుకున్నారు. ఇందులో సంజనా అన్నే అనే మోడల్‌ని తీసుకోగా.. విజయవాడకు చెందిన మరో ఇద్దరు నూతన్ నాయుడు, గణేష్‌లను కామన్ మేన్ కోటాలో ఎంపిక చేశారు. అయితే బిగ్ బాస్ సీజన్ 2 తొలి ఎపిసోడ్‌లోనే కామన్ పీపుల్‌కి సెలబ్రిటీల నుండి ఎదురుదెబ్బ తగిలింది.

16 మంది కంటెస్టెంట్‌లో ఎవరో ఇద్దర్ని హౌస్ నుండి బయటకు పంపేందుకు ఎన్నుకోవాలని ఆదేశించడంతో 15, 16 కంటెస్టెంట్‌లుగా బిగ్ బాస్ హౌస్‌లోకి వచ్చిన సంజనా, నూతన్ నాయుడుల పేర్లను సూచించడంతో వీరిని హౌస్ బయట ఉన్న జైల్లో పెట్టి తాళం వేశారు. అయితే అంత మంది సెలబ్రిటీల్లోనూ సామాన్యులుగా వచ్చిన తమనే ఎన్నుకోవడం పట్ల ఫైర్ అయ్యింది మోడల్ సంజనా. అయితే రెండో ఎపిసోడ్‌లో ఈ ఇద్దర్లో ఒకర్ని బయటకు విడుదల చేసే అవకాశం ఉండటంతో ఆ ఒకరు ఎవరన్నది ఆసక్తిగా మారింది. ఏది ఏమైనా బిగ్‌బాస్‌-2 ఇంకెన్ని వివాదాల‌కు తెర‌లేపుతుందో చూడాలి.