//single page style gallary page

Questions? reply in 15 minutes!

Questions? reply in 15 minutes!

బెంగళూరు న్యూఇయర్‌ వేడుకల్లో మరలా కీచక పర్వం

Category : national

దేశ ఐటీ రాజధాని బెంగళూరులో నూతన సంవత్సర వేడుకల్లో మళ్లీ కీచకపర్వం చోటుచేసుకున్నట్టు వార్తలు వస్తున్నాయి.

గతేడాది జరిగిన ప్రాంతంలోనే మళ్లీ దారుణం జరిగినట్టు తెలుస్తోంది. సరిగ్గా ఇదే ప్రాంతం నుంచి ఈ ఉదయం ఒక యువతి ఏడుస్తూ వెళ్లడంతో అనుమానాలు బలపడుతున్నాయి. అయితే ఈ ఘటనపై ఎటువంటి ఫిర్యాదు అందలేదని, కేసు నమోదు కాలేదని పోలీసులు తెలిపారు. సీసీటీవీ దృశ్యాల్లో ఎక్కడా అభ్యంతకర సన్నివేశాలు రికార్డు కాలేదన్నారు.

బిగ్రేడ్‌, ఎంజీ రోడ్డులో నిరుడు కొత్త సంవత్సర వేడుకల్లో యువతులపై అల్లరిమూకలు సామూహిక వేధింపులకు పాల్పడినట్టు వెల్లడికావడంతో దేశవ్యాప్తంగా ఆందోళన వ్యక్తమయింది. ప్రభుత్వ వైఫల్యంపై ప్రజలు, విపక్షాలు దుమ్మెత్తిపోశాయి. ఈ నేపథ్యంలో కర్ణాటక ప్రభుత్వం భారీ స్థాయిలో భద్రత ఏర్పాటు చేసింది. గతేడాది చేదుఅనుభవాలను దృష్టిలో ఉంచుకుని బిగ్రేడ్‌, ఎంజీ రోడ్డు, చర్చి స్ట్రీట్‌లలో పెద్ద ఎత్తున పోలీసులను మొహరించింది.

ఎక్కడికక్కడ సీసీటీవీ కెమెరాలు ఏర్పాటు చేసింది. డ్రోన్‌ కెమెరాలు, మఫ్టీ పోలీసులతోనూ నిఘా పెట్టింది. వేడుకల్లో శ్రుతిమించితే కఠిన దండన తప్పదని పోలీసులు హెచ్చిరించినా బెంగళూరు వాసులు వెనక్కు తగ్గలేదు. కొత్త ఉత్సాహంతో నూతన సంవత్సర వేడుకల్లో పాల్గొన్నారు. గట్టి బందోబస్తు ఏర్పాటు చేయడంతో ఈసారి అవాంఛనీయ ఘటనలు జరగలేదని పోలీసులు తెలిపారు.