భారత క్రికెట్ బోర్డు మాకు 457 కోట్లు చెల్లించాల్సిందే .పాక్ క్రికెట్ బోర్డు

తమతో ద్వైపాక్షిక సిరీస్‌లు ఆడేందుకు నిరాకరిస్తున్న బీసీసీఐపై పాకిస్థాన్‌ క్రికెట్‌ బోర్డు (పీసీబీ) న్యాయ పోరాటానికి సిద్ధమైంది. ఒప్పందంలో భాగంగా భారత్‌ రెండు సిరీస్‌ల్లో పాల్గొనక పోవడంతో నష్ట పరిహారంగా రూ.457 కోట్లు చెల్లించాలని పీసీబీ డిమాండ్‌ చేస్తోంది. ఈ మేరకు కొద్ది రోజుల్లో బీసీసీఐపై ఐసీసీకి ఫిర్యాదు చేయనున్నట్టు పీసీబీ చైర్మన్‌ నజామ్‌ సేథి తెలిపాడు. ‘2014 ఒప్పందంలో భాగంగా 2015-2023 మధ్య ఆరు ద్వైపాక్షిక సిరీస్‌ల్లో పాల్గొనాలి. ఇందులో భాగంగా పాక్‌ లో ఆరంభ సిరీస్‌ నిర్వహించాలి. ఐసీసీ టోర్నీల్లో మాత్రమే భారత్‌-పాక్‌ తలపడుతున్నాయి. తటస్థ వేదికలపై ఆడేందుకు కూడా బీసీసీఐ సుముఖంగా లేదు. దీంతో మేము భారీగా నష్టపోతున్నామ’ని సేథీ తెలిపాడు.