//single page style gallary page

Questions? reply in 15 minutes!

Questions? reply in 15 minutes!

పంజాబ్ ను చిత్తు చేసిన బెంగళూరు .....ప్లేఆఫ్ ఆశలు సజీవం..!

Category : sports

సీజన్‌లో ప్లేఆఫ్ ఆశలు నిలవాలంటే తప్పక గెలవాల్సిన మ్యాచ్‌లో రాయల్ ఛాలెంజర్స్ బెంగళూరు జట్టు కింగ్స్ ఎలెవన్ పంజాబ్‌పై 10 వికెట్ల తేడాతో సంచలన విజయాన్ని అందుకుంది. పంజాబ్ ఓపెనర్లు లోకేశ్ రాహుల్ (21: 15 బంతుల్లో 3x6), క్రిస్‌గేల్ (18: 14 బంతుల్లో 4x4) బంతి వ్యవధిలో ఔటవగా.. అనంతరం వచ్చిన కరుణ్ నాయర్ (1), స్టాయినిస్ (2), మయాంక్ అగర్వాల్ (2), అక్షర్ పటేల్ (9), అశ్విన్ (0), ఆండ్రూ టై (0), మోహిత్ శర్మ (3), అంకిత్ రాజ్‌పుత్ (1) సింగిల్ డిజిట్‌కే వరుసగా పెవిలియన్ బాట పట్టారు. మిడిల్ ఓవర్లలో అరోన్ ఫించ్ (26: 23 బంతుల్లో 1x4, 2x6) మాత్రమే కాసేపు బెంగళూరు బౌలర్లని ఎదుర్కోగా ఆఖర్లో అశ్విన్, మోహిత్, రాజ్‌పుత్ లేని పరుగు కోసం ప్రయత్నిస్తూ రనౌటవడం పంజాబ్‌కి దారుణంగా దెబ్బతీసింది. బెంగళూరు బౌలర్లలో ఉమేశ్ యాదవ్‌కి మూడు వికెట్లు దక్కగా.. సిరాజ్, చాహల్, గ్రాండ్‌ హోమ్ తలో వికెట్ తీశారు.

తరువాత ఛేదనలో (48 నాటౌట్), పార్థీవ్ పటేల్ (40 నాటౌట్) నిలకడగా ఆడటంతో 8.1 ఓవర్లలోనే 92/0తో అలవోక విజయాన్ని అందుకుంది. టోర్నీలో బెంగళూరుకి ఇది ఐదో విజయంకాగా, వరుసగా రెండోది. మరోవైపు పంజాబ్‌కి ఇది వరుసగా మూడో ఓటమికాగా మొత్తంగా ఆరోది.

2018 సీజన్‌లో ఓ జట్టు పది వికెట్ల తేడాతో గెలుపొందడం ఇదే తొలిసారి. ఇప్పటికే సన్‌రైజర్స్ హైదరాబాద్, చెన్నై సూపర్ కింగ్స్ జట్లు ప్లేఆఫ్‌కి చేరగా మిగిలిన రెండు స్థానాల కోసం కోల్‌కతా, రాజస్థాన్, బెంగళూరుతో పాటు పంజాబ్‌ పోటీపడుతున్నాయి. టోర్నీ జరుగుతున్న తీరు చూస్తుంటే ఒకవేళ మిగిలిన రెండు మ్యాచ్‌ల్లో ముంబయి గెలిస్తే ప్రస్తుతం 10 పాయింట్లతో ఉన్న ఆ జట్టు కూడా రేసులో నిలిచే అవకాశం ఉంది.