//single page style gallary page

Questions? reply in 15 minutes!

Questions? reply in 15 minutes!

రెండో టెస్టులో ఆసీస్ ఘన విజయం.

Category : sports

అడిలైడ్ టెస్టులో స్మిత్ సేన ఇంగ్లాండ్‌పై 120 పరుగుల తేడాతో విజయం సాధించింది. తద్వారా యాషెస్ సిరీస్‌లో ఆధిక్యాన్ని 2-0కు పెంచుకుంది. నాలుగు వికెట్ల నష్టానికి 176 పరుగులతో ఐదో రోజు ఆట ప్రారంభించిన ఇంగ్లాండ్ మరో 57 పరుగులు మాత్రమే జోడించి ఆరు వికెట్లను కోల్పోయింది. 354 పరుగుల లక్ష్యంతో బరిలో దిగిన ఇంగ్లాండ్‌కు ఓపెనర్లు శుభారంభం ఇచ్చారు. తొలి వికెట్‌కు 53 పరుగులు జోడించడంతో తొలుత కంగారూలను కంగారు పెట్టిన ఇంగ్లాండ్ 233 రన్స్‌కే పరిమితమైంది.

చివరి రోజు ఆరంభంలోనే ఇంగ్లాండ్‌కు ఎదురుదెబ్బ తగిలింది. తొలి ఓవర్లోనే హేజె‌ల్‌వుడ్ క్రిస్ వోక్స్ (5)ను పెవిలియన్ చేర్చాడు. మరుసటి ఓవర్లో కెప్టెన్ రూట్ (67)ను అవుట్ చేశాడు. దీంతో ఇంగ్లాండ్ వెంట వెంటనే రెండు వికెట్లను కోల్పోయింది. బెయిర్‌స్టో (36) ఒక్కడే పోరాడినా.. ఫలితం లేకపోయింది. ఆసీస్ బౌలర్లలో స్టార్క్‌కు 5 వికెట్లు దక్కాయి. హేజెల్‌వుడ్, లియాన్ చెరో వికెట్లు పడగొట్టారు.

ఆసీస్ తొలి ఇన్నింగ్స్‌ను 442/8 వద్ద డిక్లేర్‌ చేసింది. బదులుగా ఇంగ్లండ్‌ మొదటి ఇన్నింగ్స్‌‌లో 227 పరుగులకు ఆలౌట్‌ అయ్యింది. రెండో ఇన్నింగ్స్‌లో అండర్సన్ ఐదు వికెట్లతో చెలరేగడంతో ఆసీస్‌ 138 పరుగులకే కుప్పకూలింది. 354 పరుగుల లక్ష్యంతో బరిలో దిగిన ఇంగ్లిష్ జట్టు రెండో ఇన్నింగ్స్‌లో 233 పరుగులకు ఆలౌట్ అయ్యింది.