Questions? reply in 15 minutes!

Questions? reply in 15 minutes!

రేపే ఏపీ పదో తరగతి ఫలితాలు..ఇలా చెక్ చేసుకోండి..

Category : state editorial

ఏపీ పదో తరగతి పరీక్షా ఫలితాలు మంగళవారం(మే 14)న విడుదల కానున్నాయి. ఇప్పటికే తెలంగాణలో పదో తరగతి ఫలితాలు విడుదలయ్యాయి. ఈ నేపథ్యంలోనే మంగళవారం విడుదల చేసేందుకు అధికారులు అన్నీ ఏర్పాట్లు చేశారు. నిజానికీ పదోతరగతి పరీక్షలకు సంబంధించి విద్యార్థుల జవాబు పత్రాల మూల్యాంకన ప్రక్రియ ఎప్పుడో పూర్తైంది. అయితే, అన్ని వివరాలతో కూడిన ఫలితాలను ఎటువంటి తప్పిదాలు జరగకుండా ఫలితాలు అనౌన్స్ చేసేందుకే అధికారులు సమయం తీసుకున్నారు. అయితే ఇప్పటికే పాఠశాలల నుంచి ఇంటర్నల్ మార్కులు కూడా వచ్చేశాయి. ఆ మార్కులను అధికారులు అఫిషియల్ వెబ్‌సైట్‌‌లో పొందుపరిచారు.

ఫలితాల కోసం విద్యాశాఖ పలు ఏర్పాట్లు చేసింది. వివిధ సైట్స్‌లో రిజల్ట్స్ చెక్ చేసుకోవచ్చని తెలిపింది. ఆర్టీజీఎస్ వెబ్‌సైట్, పీపుల్ ఫస్ట్ మొబైల్ యాప్, ఖైజాలా యాప్, ఫైబర్ నెట్ టీవీ తెరపైనా కూడా ఫలితాలు తెలుసుకోవచ్చని తెలిపింది. విద్యార్థులు ఆర్టీజీఎస్ వెబ్‌సైట్ www.rtgs.ap.gov.in, పీపుల్ ఫస్ట్ మొబైల్ యాప్ https://bit.ly/2E1cdN7, ఖైజాలా యాప్ https://aka.ms/apresult ద్వారా తెలుసుకోవచ్చని, రియల్ టైమ్ గవర్నెన్స్ సొసైటీ(ఆర్టీజీఎస్) వెబ్‌సైట్‌ www.rtgs.ap.gov.inలో ముందుగా విద్యార్థి నెంబర్ టైప్ చేయగానే రిజల్ట్స్ వస్తాయని తెలిపింది.

ఇప్పటికే ఏపీ ఎస్‌ఎస్‌సి రిజల్ట్స్ కోసం 6.2 లక్షల విద్యార్థులు, వారి తల్లిదండ్రులు ఎదురుచూస్తున్నారు. ఏపీలో మార్చి 18 నుంచి ఏప్రిల్ 3 వరకు పదోతరగతి పరీక్షలు కొనసాగాయి. రాష్ట్రవ్యాప్తంగా 2,839 పరీక్షాకేంద్రాల్లో జరిగిన ఈ పరీక్షలకు . 6.2 లక్షలమంది విద్యార్థులు హాజరయ్యారు.