//single page style gallary page

Questions? reply in 15 minutes!

Questions? reply in 15 minutes!

కిదాంబి శ్రీకాంత్‌కు చంద్రబాబు భారీ బహుమతులు.

Category : sports

వారం రోజుల వ్యవధిలో రెండు సూపర్ సిరీస్‌లు గెలిచిన భారత షట్లర్ కిదాంబి శ్రీకాంత్‌కు ఏపీ సీఎం చంద్రబాబు నాయుడు వరాల జల్లు కురిపించారు. ప్రభుత్వం తరఫున రూ. 50 లక్షల నగదు, అమరావతి రీజియన్‌లో 1000 గజాల స్థలాన్ని అందజేశారు. వీటితో పాటు గ్రూప్ 1 ఉద్యోగం కూడా కల్పిస్తామని చంద్రబాబు ప్రకటించారు. ఇండోనేషియా, ఆస్ట్రేలియన్ ఓపెన్‌ సూపర్ సిరీస్ టైటిళ్లను గెలుచుకున్న శ్రీకాంత్‌ను ఏపీ ప్రభుత్వం ఘనంగా సత్కరించింది. విజయవాడలోని తుమ్మలపల్లి కళాక్షేత్రంలో జరిగిన శ్రీకాంత్ సన్మాన కార్యక్రమానికి చంద్రబాబు ముఖ్య అతిథిగా హాజరయ్యారు.

ఈ సందర్భంగా చంద్రబాబు మాట్లాడుతూ వరసగా రెండు సూపర్ సిరీస్‌లు గెలిచిన శ్రీకాంత్‌కు అభినందనలు తెలిపారు. గొప్ప క్రీడాకారులను తయారుచేసిన ఘనత పుల్లెల గోపీచంద్‌దే అని కొనియాడారు. ఈ సందర్భంగా గోపీచంద్‌కు కూడా రూ. 15 లక్షల నగదు బహుమతిని ప్రకటించారు. రాబోయే ఒలింపిక్స్‌లో శ్రీకాంత్ కచ్చితంగా పతకం సాధిస్తాడని చంద్రబాబు ఆశాభావం వ్యక్తం చేశారు.