//single page style gallary page

Questions? reply in 15 minutes!

Questions? reply in 15 minutes!

బ్లూవేల్‌ వలలో మరో విద్యార్థి

Category : national

సంచలనం సృష్టిస్తున్న బ్లూవేల్‌ గేమ్‌ బారిన పడి పలువురు విద్యార్థులు ఆత్మహత్యలు చేసుకునేందుకు ప్రయత్నిస్తున్న ఘటనలు వెలుగులోకి వస్తున్నాయి. తాజాగా ప‌శ్చిమ‌బెంగాల్‌లోని మిడ్నాపూర్‌ జిల్లాలో 11వ తరగతి చదువుతున్న విద్యార్థి బ్లూవేల్‌ గేమ్‌ ఆడుతూ డిప్రెషన్‌లోకి వెళ్లిపోయాడు. గమనించిన అతడి స్నేహితురాలు వెంటనే విద్యార్థి తల్లిదండ్రులకు చెప్పి అప్రమత్తం చేయడంతో ప్రాణాపాయం తప్పింది.  

గార్బెతా హైస్కూల్‌లో 11వ తరగతి చదువుకుంటున్న రౌనక్‌ సింఘా గత కొన్ని రోజులుగా బ్లూవేల్‌ గేమ్‌ అడుతున్నాడు. ఇప్పటి వరకు మూడు దశలు దాటినట్లు స్నేహితురాలు కశ్మీరా నసీమ్‌కు చెప్పాడు. ఈ విషయాన్ని కశ్మీరా వెంటనే సింఘా కుటుంబసభ్యులకు చెప్పింది. అతడిని వెంటనే చికిత్స నిమిత్తం సైక్రియాటిస్టు దగ్గరకు తీసుకెళ్లారు.

ప్రస్తుతం సింఘా తీవ్ర మానసిక ఒత్తిడికి లోనయ్యాడని పోలీసులు తెలిపారు. కశ్మీరా చెప్పడం వల్లే తమ కొడుకు ప్రాణాలు కాపాడుకోగలిగామని సింఘా తల్లి పరూల్‌ చెప్పారు. ఆన్‌లైన్‌లో బ్లూవేల్‌ గేమ్‌ లింక్‌ను తొలగించాల్సిందిగా ఇప్పటికే కేంద్ర ప్రభుత్వం సామాజిక మాధ్యమాలకు ఆదేశాలు జారీ చేసింది. ఒడిశా, ఉత్తర్‌ప్రదేశ్‌ రాష్ట్రాల్లో ఈ గేమ్‌పై నిషేధం విధించిన విషయం తెలిసిందే.