//single page style gallary page

Questions? reply in 15 minutes!

Questions? reply in 15 minutes!

అద్భుతమనుకుంటే.. అమాంతం మీదపడింది!

Category : world

న్యూయార్క్‌: గజగజ వణికే చలిలో రైలు కోసం ఎదురుచూస్తున్నారు వారంతా. దూరం నుంచి రైలు వస్తోంది. పట్టాలను కప్పేసిన మంచును చీల్చుకుంటూ వస్తున్న ఆ రైలును చూసి అందరూ మంత్రముగ్ధులై ఆహా! ఏమి దృశ్యం అనుకున్నారు. కానీ ఆ రైలు వేగం ధాటికి మంచు సముద్ర కెరటంలా మారి అక్కడి ప్రయాణికులను ముంచేసింది. అమెరికాలోని న్యూయార్క్‌లోని ఓ రైల్వేస్టేషన్లో చోటు చేసుకున్న ఈ ఘటనకు సంబంధించిన వీడియో ఇప్పుడు ఆన్‌లైన్‌లో వైరల్‌గా మారింది.

న్యూయార్క్‌లో గత రెండు రోజులుగా తుపాను బీభత్సం సృష్టిస్తోంది. నగరాలన్నీ మంచు దుప్పటి కప్పుకొన్నాయి. పట్టాలపై భారీగా మంచు పేరుకుపోవడంతో రైళ్ల రాకపోకలకు ఇబ్బందిగా మారింది. బుధవారం ఉదయం రైన్‌క్లిఫ్‌లోని ఆమ్‌ట్రాక్‌ స్టేషన్‌కు వస్తున్న ఓ రైలు పట్టాలపై ఉన్న మంచును ఢీకొడుతూ స్టేషన్‌ వద్దకు వస్తోంది. ఇది చూసిన ప్రయాణికులు రైలును చూసేందుకు ముందుకొచ్చారు. కొందరేమో.. రైలు మంచును ఢీకొడుతున్న దృశ్యాలను తమ ఫోన్లలో బంధించారు. అయితే ఇంతలోనే వూహించని ఘటన ఎదురైంది. పట్టాలపై గుట్టలుగా ఉన్న మంచును రైలు ఢీకొట్టడంతో అది భారీగా ఎగిసి పక్కనే ఉన్న ప్రయాణికులపై పడింది. దీంతో వారు మంచు గడ్డల కింద చిక్కుకుపోయారు. ఈ వీడియోను కొందరు సోషల్‌మీడియాలో పోస్టు చేశారు. ప్రస్తుతం ఇది ఇంటర్నెట్‌లో వైరల్‌గా మారింది.

Related News