//single page style gallary page

Questions? reply in 15 minutes!

Questions? reply in 15 minutes!

ఆమె జయ, శోభన్‌బాబుల కూతురే!

Category : national

జయలలిత కూతురుని అంటూ కోర్టుకు ఎక్కి చీవాట్లు తిన్న అమృత కు ఇప్పుడు అనూహ్యంగా మద్దతు లభిస్తోంది.

అర్థం లేని పిటిషన్ అంటూ కోర్టు అమృతపై ఆగ్రహం వ్యక్తం చేసినా.. ఆమె జయలలిత కూతురే అనే మాట పలువురి నోటి వెంట వెలువడుతోంది. ఇప్పటికే ఇదే విషయం పై జయలలిత మేనకోడలు దీప క్లారిటీ ఇవ్వగా ఇప్పుడు జయలలిత స్నేహితురాలి గా గుర్తింపు ఉన్న గీత ఒక టీవీ చానల్ కు ఇచ్చిన ఇంటర్వ్యూలో ఈ సంచలన వ్యాఖ్యలే చేశారు.

జయలలితకు ఒక కూతురు ఉంది అని అలనాటి తెలుగు స్టార్ హీరో శోభన్ బాబుతో జయలలితకు సంతానం కలిగిందని ఆమె వ్యాఖ్యానించారు. వాళ్లకు ఒక పాప పుట్టిందని, తన పేరు అమృత అని గీత వ్యాఖ్యానించారు. ఈ విషయాన్ని జయలలిత తనకు స్వయంగా చెప్పిందని ఆమె చెప్పుకొచ్చారు.నటుడు శోభన్‌బాబు, జయకు అమృత జన్మించిన విషయం శశికళకు తెలుసన్నారు. 1996 నుంచి జయలలితతో అమృత సంబంధాలు కలిగి ఉన్నట్లు పేర్కొన్నారు.

ఈ విషయం గురించి శోభన్ బాబు కూడా తనతో చర్చించాడని గీత చెప్పుకురావడం విశేషం. తనకు జయతో కూతురు ఉన్నట్టుగా శోభన్ బాబు చెప్పాడని 1999లోనే తనకు ఈ విషయం తెలుసని గీత అన్నారు. జయ, శోభన్ ల కూతురిని అని కోర్టుకు ఎక్కి, మీడియాకు చెబుతున్న అమృతకు డీఎన్ఏ టెస్టులు చేస్తే విషయం స్పష్టం అవుతుందని గీత అభిప్రాయపడ్డారు.