//single page style gallary page

Questions? reply in 15 minutes!

Questions? reply in 15 minutes!

4ఓవర్లు 10 వికెట్లు సాధ్యమా

Category : sports

క్రికెట్‌లో మరో యూనిక్ రికార్డ్. రాజస్థాన్‌కు చెందిన 15 ఏళ్ల బౌలర్ ఒకరు ఒక్క పరుగు కూడా ఇవ్వకుండా మొత్తం పది వికెట్లు తీశాడు. బుధవారం జైపూర్‌లో జరిగిన ఓ డొమెస్టిక్ టీ20 మ్యాచ్‌లో ఆకాశ్ చౌదరి అనే ఆ బౌలర్ ఈ అరుదైన రికార్డు సాధించాడు. లెఫ్టామ్ మీడియం పేసర్ అయిన ఆకాశ్.. దిశా క్రికెట్ అకాడమీ తరఫున ఆడుతున్నాడు. భావర్ సింగ్ టీ20 టోర్నీలో భాగంగా పెర్ల్ అకాడమీపై మొత్తం పది వికెట్లు తీశాడు ఆకాశ్. 4 ఓవర్లు వేసిన ఆకాశ్.. ఒక్క పరుగు కూడా ఇవ్వలేదు. తొలి ఓవర్లో రెండు, ఆ తర్వాత రెండు ఓవర్లలో మరో రెండేసి వికెట్లు తీశాడు. ఇక చివరి ఓవర్లో ఓ హ్యాట్రిక్ సహా 4 వికెట్లు తీశాడు. ఈ మ్యాచ్‌లో మొదట బ్యాటింగ్ చేసిన దిశా క్రికెట్ అకాడమీ 20 ఓవర్లలో 156 రన్స్ చేయగా.. పెర్ల్ అకాడమీ 36 పరుగులకే ఆలౌటైంది. అన్ని వికెట్లు ఆకాశ్ ఖాతాలోకే వెళ్లాయి. చివరికి ఆకాశ్ బౌలింగ్ ఫిగర్స్ ఇలా ఉన్నాయి... 4-4-0-10. 15 ఏళ్ల ఆకాశ్.. రాజస్థాన్-ఉత్తర ప్రదేశ్ బోర్డర్‌లోని భరత్‌పూర్ జిల్లాకు చెందినవాడు.