//single page style gallary page

Questions? reply in 15 minutes!

Questions? reply in 15 minutes!

బ్యాచిలర్స్ డిగ్రీ పూర్తి చేసిన 91 ఏళ్ల భామ్మ

Category : world

ఇంట్లో ఏ బాధ్యత లేకుండా ఖాళీగా కూర్చోవడానికే శరీరం సహకరించని వయస్సులో చదువుపై ఎవరికైనా ధ్యాస వుంటుందా ? అదీ 91 ఏళ్ల వయస్సులో బ్యాచిలర్స్ డిగ్రీ చేయాలనే కోరిక, ఏకాగ్రత వుంటాయా ? కానీ పట్టుదల వుంటే ఏదైనా సాధ్యమే అని నిరూపించింది థాయిలాండ్‌కి చెందిన కిమ్లన్ జినకుల్ అనే భామ్మ. దాదాపు 80 ఏళ్లు దగ్గరపడే వయస్సులో ఆమెకి బ్యాచిలర్స్ డిగ్రీ చేయాలనే ఆలోచన వచ్చింది. అనుకున్నదే తడవుగా ఓపెన్ యూనివర్శిటీలో చేరి హ్యూమన్ అండ్ ఫ్యామిలీ డెవలప్‌మెంట్ అనే బ్యాచిలర్ ఆఫ్ ఆర్ట్స్ డిగ్రీలో అడ్మిషన్ తీసుకుంది.

ఎలాగైనా ఈ డిగ్రీ పట్టాను చేజిక్కించుకోవాలని గట్టిగానే నిర్ణయించుకున్న ఈ భామ్మ దాదాపు పదేళ్లకిపైగానే కష్టపడి మరీ విజయవంతంగా డిగ్రీ పూర్తి చేసింది. గతేడాదే థాయిలాండ్ రాజ సింహాసనాన్ని చేజిక్కించుకున్న రాజు మహావజిరలాంగ్‌కర్న్ చేతులమీదుగా బుధవారమే ఈ డిగ్రీ పట్టా అందుకుందీ ఈ భామ్మ. యుక్త వయస్సులోనూ చదువుపై ఏకాగ్రత చూపించలేని వాళ్లెందరికో ఆదర్శంగా నిలిచింది కదా ఈ భామ్మ. అంతేకాకుండా వృద్ధాప్యం రాగానే ఇక మనం ఏమీ చేయలేం అని దిగులు పడాల్సిన పనిలేదు... మనిషి తల్చుకుంటే ఏమైనా సాధించొచ్చు అని మరోసారి థాయిలాండ్‌ భామ్మా నిరూపించింది.