//single page style gallary page

Questions? reply in 15 minutes!

Questions? reply in 15 minutes!

ఏడేళ్లకే 8 ప్యాక్స్ బాడీ.

Category : world

వయసు ఏడేళ్లు..బాడీ మాత్రం 8 ప్యాక్ బాడీ.. అందుకే ఈ బుడతడు ఇంటర్నెట్‌ను షేక్ చేస్తున్నాడు. ఏడేళ్ల వయసులో ఈ బుడతడు 8 ప్యాక్ ఎలా సాధించాడని జుట్టు పీక్కుంటున్నారు. చైనాకు చెందిన ఏడున్నరేళ్ల 'చెన్ యి' అత్యంత ప్రతిభ కలిగిన జిమ్నాస్ట్. ఈ బాలుడికి తూర్పు చైనాలోని ఝీజియాంగ్ ప్రావిన్స్‌లో రెండేళ్లుగా జిమ్నాస్టిక్స్‌లో శిక్షణ ఇస్తున్నారు. ఈ శిక్షణలో భాగంగానే చెన్ 8 ప్యాక్ బాడీని డెవలప్ చేశాడు.

జులై 2న ఝీజియాంగ్ రాజధాని హాంగ్‌ఝౌ‌లో జరిగిన 19వ హాంగ్‌ఝౌ సిటీ స్పోర్ట్స్ గేమ్స్‌లో చెన్ పాల్గొన్నారు. మొత్తం 50 మంది చిన్నారులు పాల్గొన్న ఈ పోటీల్లో చెన్ ఆరు బంగారు పతకాలు, ఒక రజత పతకం సాధించాడు. పోటీలు ముగిశాక బట్టలు మార్చుకునే సమయంలో ఒకరు చెన్ ఫొటోలు తీశారు. చెన్ కూడా కండలు బిగించి మరీ ఫొటోలకు పోజులిచ్చాడు. ఆ ఫొటోలు ఇంటర్నెట్‌లో పెట్టడంతో అవి ఇప్పుడు వైరల్‌గా మారాయి.

చెన్ గురించి తన తల్లి ఝాంగ్ హోంగ్యూ మాట్లాడుతూ ‘పుట్టుకతోనే నా కొడుకు బలవంతుడు. సుమారు తొమ్మిది పౌండ్ల బరువుతో పుట్టాడు. 11 నెలలకే నడవడం మొదలుపెట్టాడు. రెండేళ్ల వయసులో ఒకచేతితో పాల బాటిల్ పట్టుకుని తాగుతూ, మరో చేతితో అడ్డంగా ఉన్న బార్‌ను పట్టుకుని వేలాడేవాడు’ అని చెప్పి మురిసిపోయింది. ఐదేళ్ల వయసుకే చెన్ జిమ్నాస్టిక్ స్కూల్‌కి ఎంపికయ్యాడు. సోమవారం నుంచి శుక్రవారం వరకు స్కూల్‌లో ఉండి శిక్షణ తీసుకుంటూ వారాంతంలో ఇంటికెళ్లి తల్లిదండ్రులతో గడుపుతాడు. ఇంత కఠినమైన శిక్షణ ఇస్తున్నారు కాబట్టే చైనీయులు జిమ్నాస్టిక్స్‌లో అంతర్జాతీయంగా అన్ని పతకాలు సాధిస్తున్నారు.