//single page style gallary page

Questions? reply in 15 minutes!

Questions? reply in 15 minutes!

ఇన్స్ పెక్టర్ ని కూడా వదలని కామంధులు !

Category : national

మహిళలపై లైంగిక వేధింపులు, అత్యాచారాల్లో యూపీతో మధ్యప్రదేశ్ పోటీ పడుతోంది.

ఇటీవల కాలంలో ఆ రాష్ట్రంలోని మహిళలపై అఘాయిత్యాలు రోజు రోజుకు పెరిగిపోతున్నాయి. ఇక్కడ అత్యాచారాలు నిత్యకృత్యంగా మారాయి. మైనర్‌ బాలికలపై అత్యాచారానికి పాల్పడితే మరణ శిక్ష అమలుచేసే చట్టాన్ని ఇటీవలే మధ్యప్రదేశ్ ప్రభుత్వం అమల్లోకి తీసుకొచ్చినా నేరాలు మాత్రం తగ్గడం లేదు. సాక్షాత్తు విదేశాంగ మంత్రి సుష్మా స్వరాజ్ నియోజకవర్గంలోనే ఓ మహిళ ఎస్‌ఐ‌ను బెదిరించి లైంగిక వేధింపులకు పాల్పడ్డారు.

విదిశ పట్టణంలో మహిళ సబ్‌ ఇన్‌స్పెక్టర్‌ను ముగ్గురు వ్యక్తులు అత్యంత దారుణంగా వేధించిన ఘటన వెలుగుచూసింది. ఆమెను తుపాకితో బెదిరించి మరీ అత్యంత హేయంగా ప్రవర్తించారు. ఆమె తల దగ్గర తుపాకి ఎక్కుపెట్టి లైంగిక వేధింపులకు పాల్పడటమే కాదు రాయడానికి, వినడానికి కూడా వీలులేని భాషను ఉపయోగించినట్లు బాధితురాలు పేర్కొన్నారు.

మహిళా ఎస్‌ఐ ఫిర్యాదు మేరకు ముగ్గురిపై కేసు నమోదు చేసినట్లు పోలీసులు తెలిపారు. నిందితులపై లైంగిక వేధింపులు, ప్రభుత్వ అధికారిపై వేధింపులు, అక్రమంగా ఆయుధాలు కలిగి ఉండడం లాంటి నేరాల కింద కేసు నమోదుచేసి అదుపులోకి తీసుకున్నట్లు తెలియజేశారు. గత డిసెంబరు 8 న సాగర్‌ జిల్లా దేవల్‌ గ్రామంలో తన ఇంట్లో నిద్రపోతున్న ఓ మైనర్‌ బాలిక (15)పై ఇద్దరు దుండగులు అత్యాచారానికి పాల్పడ్డారు. సాయం కోసం బాధితురాలు అరవడంతో ఆమెపై దుండగులు కిరోసిన్‌ పోసి నిప్పంటించారు. ఈ ఘటనపై మధ్యప్రదేశ్ వ్యాప్తంగా ఆందోళనలు, నిరసనలు చేపట్టారు. దీంతో అధికార బీజేపీ ప్రభుత్వం కొత్త చట్టాన్ని తీసుకొచ్చింది.