//single page style gallary page

Questions? reply in 15 minutes!

Questions? reply in 15 minutes!

అబ్బే అదేం లేదు...వీళ్ళు చాలా మంచోళ్ళు !

Category : national

2జీ స్పెక్ట్రం కుంభకోణం కేసులో సీబీఐ ప్రత్యేక న్యాయస్థానం సంచలన తీర్పును వెలువరించింది.

ఈ కేసులో నిందితులుగా ఉన్న కేంద్ర మాజీ మంత్రి ఎ రాజా, కనిమొళితోపాటు 14 మంది నిందితులను నిర్దోషులుగా పేర్కొంది. ఓపీ షైనీ నేతృత్వంలో సీబీఐ ప్రత్యేక న్యాయస్థానం గురువారం తీర్పును వెలువరిస్తూ 14 మంది నిందితులను నిర్దోషులుగా తేల్చింది. యూపీఏ హయాంలో జరిగిన ఈ కుంభకోణం వల్ల ప్రభుత్వ ఖజనాకు రూ.1.76 లక్షల కోట్ల నష్టం వాటిల్లినట్లు కంప్ట్రోలర్ అండ్ ఆడిటర్ జనరల్ 2010 నవంబరు నాటి తన నివేదికలో పేర్కొంది.

దీనిపై సీబీఐ రెండు కేసుల నమోదు చేయగా, ఎన్‌ఫోర్స్‌మెంట్ డైరెక్టరేట్ మరో కేసు నమోదు చేసింది. సీబీఐ దాఖలు చేసిన రెండు కేసుల్లో రూ.30 వేలు కోట్లు మేర అక్రమాలు జరిగినట్లు పేర్కొంది. సీబీఐ ప్రత్యేక న్యాయస్థానం దీనిపై విచారణను ఈ డిసెంబరు మొదటివారంలో ముగించింది. ఆరేళ్లపాటు సుదీర్ఘంగా సాగిన ఈ కేసు విచారణలో అనేక మందిని సీబీఐ ప్రశ్నించింది.

సీబీఐ నమోదుచేసి రెండు కేసుల్లో రాజా, కరుణానిధి కుమార్తె, రాజ్యసభ సభ్యురాలు కనిమొళి ప్రధాన నిందితులుగా ఉన్నారు. వీరితోపాటు టెలికమ్యూనికేషన్స్‌ మాజీ కార్యదర్శి సిద్దార్థ్‌ బెహరా, రాజా మాజీ ప్రయివేటు కార్యదర్శి ఆర్‌కే సంతాలియాతో పాటు మరో 12 మందిపై సీబీఐ చార్జిషీటు దాఖలైంది. స్వాన్‌ టెలికం కంపెనీకి 2జీ లైసెన్సులను తక్కువ మొత్తానికి కేటాయింపులకు ప్రతిఫలంగా డీఎంకేకు చెందిన కలైంజర్‌ టీవీ, టీపీ గ్రూపులకు రూ.200 కోట్లు లంచం ఇచ్చిన కేసును సైతం ఇందులోనే చేర్చారు.

ఈ కేసులను జడ్జ్ ఓపీ షైనీ నేతృత్వంలో సీబీఐ ప్రత్యేక న్యాయస్థానం విచారణ చేపట్టింది. రిలయన్స్‌ టెలికం, స్వాన్‌ టెలికం, యూనీటెక్‌ వైర్‌లెస్‌ సంస్థలు సైతం విచారణలను ఎదుర్కొన్నారు. 2జీ స్పెక్ట్రం హక్కులను 122 సంస్థలకు తక్కువ మొత్తానికే కేటాయించారని, అర్హత లేని కంపెనీలకు లైసెన్సులు కట్టబెట్టారని దీని వల్ల ప్రభుత్వానికి రూ.30,984 కోట్లు నష్టం సంభవించినట్లు సీబీఐ చార్జ్‌షీట్‌లో తెలిపింది.