//single page style gallary page

Questions? reply in 15 minutes!

Questions? reply in 15 minutes!

భారత్ కు పెరిగిన 28 శాతం యుఎస్ వీసాలు, పాక్ కు 40 శాతం కోత

Category : world

డోనాల్డ్ ట్రంప్ హయాంలో అమెరికాకు వెళ్లే భారతీయులకు వీసాల మంజూరీపై ఆంక్షల గురించి ఆందోళన వ్యక్తం అవుతున్నా గతేడాదితో పోలిస్తే భారతీయులకు నాన్‌ ఇమ్మిగ్రెంట్‌ వీసాలను మంజూరు చేయడం 28శాతం పెరిగింది. అదే 2016 మార్చి-ఏప్రిల్‌ నెలలతో పోలిస్తే పాకిస్థాన్‌కు వీసాల మంజూరు 40శాతం తగ్గింది. 

పాక్‌ జాతీయులకు అమెరికన్‌ వీసాలను మంజూరు చేయడంలో  లో కఠినంగా వ్యవహరిస్తోంది. పాక్‌పై అమెరికా అధ్యక్షుడు డొనాల్డ్‌ ట్రంప్‌ నిషేధం విధించకపోయినప్పటికీ వీసాల మంజూరులో తగ్గుదల నమోదు కావడం గమనార్హం. 

పాకిస్థాన్‌కు ట్రంప్‌ ప్రభుత్వం ఈ ఏడాది మార్చిలో 3,973 వీసాలు, ఏప్రిల్‌లో 3,925 వీసాలను మాత్రమే మంజూరు చేసింది. గతేడాది ఒబామా ప్రభుత్వం మొత్తం 78,637 వీసాలను ఇవ్వగా, నెలవారీ సగటు పరిశీలిస్తే 6,553 వీసాలను మంజూరు చేసినట్లైంది.

తాజా గణాంకాల ప్రకారం ఇవి 40శాతం వరకూ తగ్గాయి. ఇక భారతీయులకు ఈ ఏడాది మార్చిలో 97,925, ఏప్రిల్‌లో 87,049 వీసాలను మంజూరు చేయగా, గతేడాది నెలకు సగటున 72,082 వీసాలను మంజూరు చేసింది.

2016లో అమెరికా మొత్తం 8,64,987 వీసాలను భారతీయులకు ఇచ్చింది.కేవలం పాకిస్థాన్‌ మాత్రమే కాదు, ముస్లిం ప్రాబల్యం ఉన్న ఇతర దేశాలకు వీసాల మంజూరులో అమెరికా సగటున 20శాతం మేర కోత విధించింది. ఇక ఇరాన్‌, సిరియా, సూడాన్‌, సోమాలియా, లిబియా, యెమన్‌ దేశాలకు చెందిన వారికి అమెరికా వీసాలను మంజూరు చేయకుండా ట్రంప్‌ నిషేధం విధించిన సంగతి తెలిసిందే.