//single page style gallary page

Questions? reply in 15 minutes!

Questions? reply in 15 minutes!

12 ఏళ్ల బాలికపై అత్యాచారం : బిడ్డకు తల్లైన చిన్నారి

Category : national

ఆటాలాడుకోవాల్సిన వయసులో తన ప్రమేయం లేకుండానే ఓ ముక్కపచ్చలారని బాలిక తనే ఓ బిడ్డకు జన్మనిచ్చింది. ఓ కామాంధుడి చేతిలో బలైపోయిన మైనర్ బాలిక 12 ఏళ్లకే బిడ్డను ప్రసవించింది.

ఈ ఘటన ఉత్తర్‌ప్రదేశ్ రాజధాని లక్నోలో చోటుచేసుకుంది. బాధితురాలి పక్కంటి వ్యక్తి గతేడాది మార్చిలో మైనర్ బాలికపై అత్యాచారానికి పాల్పడ్డాడు. నాటి చేదు ఙ్ఞాప‌కానికి గుర్తుగా ఆమె ఓ బిడ్డకు తల్లయ్యింది. తను ఈ బిడ్డను అంగీకరించలేనని బాధితురాలు, నా జీవితాన్ని చీకటిమయం చేసిందని ఆవేదన వ్యక్తచేసింది.

లక్నోలోని ఇందిరానగర్ సుగ్మౌ ప్రాంతంలోని తమ ఇంటి పక్కన అద్దెకు ఉండే నిందితుడు, మైనర్ బాలికను అపహరించి అత్యాచారానికి పాల్పడినట్లు ఆమె కుటుంబ సభ్యులు తెలిపారు. ప్రస్తుతం నిందితుడిని పోలీసులు అదుపులో ఉన్నాడని తెలియజేశారు.

తమని పేద కుటుంబమని, ఈ బిడ్డను పెంచే స్థోమత తమకు లేదని బాధిత బాలిక తల్లి వాపోయింది. సమాజంలో తలెత్తుకు తిరగలేమని, ఛీత్కారాలు, చీదరింపులు ఎదురవుతాయని తెలిపింది. శనివారం రాత్రి 7 గంటల ప్రాంతంలో మైనర్ బాలిక మగ బిడ్డను ప్రసవించిందని, శిశువు ఆరోగ్యంగానే ఉందని, బరువు 2.3 కిలోలు ఉన్నట్లు స్థానిక హాస్పిటల్ మెడికల్ సూపరింటిండెంట్ సరిత సక్సేనా తెలిపారు.

48 గంటల అబ్జర్వేషన్ తర్వాత సోమవారం బాలికను డిశ్చార్జ్ చేస్తామని ఆమె పేర్కొన్నారు. మార్చిలో బాధితురాలు రాణి (పేరు మార్చారు) అత్యాచారం జరిగితే ఆమె గర్భం దాల్చిన విషయం ఆగస్టు చివరి వారంలో కుటుంబ సభ్యులు గుర్తించారు. అంతేకాదు అప్పటివరకు తనపై అత్యాచారం జరిగిన విషయం కూడా తల్లిదండ్రులకు చెప్పలేదు.

ఈ విషయం గురించి చెబితే చంపుతానని నిందితుడు బెదిరించడంతో భయపడిపోయింది. బాలిక అసలు విషయం చెప్పడంతో నిందితుడిపై పోలీసులకు ఫిర్యాదు చేశారు. ఫిర్యాదు ఆధారంగా నిందితుడిని ఆగస్టు 26 న అదుపులోకి తీసుకుని, అక్టోబరు 5 న పోస్కో చట్టం కింద కేసు నమోదుచేసినట్లు ఇందిరానగర్ స్టేషన్ ఆఫీసర్ ముకుల్ వర్మ తెలిపారు.

Related News