Questions? reply in 15 minutes!

Questions? reply in 15 minutes!

ప్రియాంక కి అరగంట కి 12 కోట్లు

Category : world

ప్రియాంక కి అరగంట కి 12 కోట్లు

ఒకవైపు హాలీవుడ్ అవకాశాలతో, అమెరికన్ టీవీ షోలతో బిజీగా ఉంది ప్రియాంక చోప్రా. అయితే అలాగని ఈమె స్వదేశీ సినిమాతో పూర్తిగా బంధం తెంచేసుకోలేదు. నిర్మాతగా ఇండియన్ రీజినల్ సినిమాల్లో కొనసాగుతున్నారీమె. అలాగే బాలీవుడ్ తో కూడా టచ్ లో ఉంది. సినిమా ప్రోగ్రామ్స్ లో, అవార్డ్స్ ఫంక్షన్స్ లో ప్రియాంక మెరుస్తోంది.

ఈ నేపథ్యంలో ఒక అవార్డ్స్ సెర్మనీలో ప్రియాంక పాల్గొనబోతున్నట్టుగా వార్తలు వస్తున్నాయి. దానికి గానూ రికార్డు స్థాయి పారితోషకాన్ని అందుకోనున్నదట పీసీ. ఎంత అంటే.. ఇది కనీవినీ ఎరగని మొత్తం. ఆ ప్రోగ్రామ్ కు గెస్టుగా హాజరై.. కొన్ని పాటలకు డాన్సు చేసేందుకు గానూ ప్రియాంకకు ఏకంగా 12 కోట్ల రూపాయల పారితోషకం అందనున్నదనే మాట వినిపిస్తోంది.

అవతల బాలీవుడ్ స్టార్ హీరోలు కూడా ఒక సినిమా కోసం కొన్ని నెలల పాటు కష్టపడి ఇంత పారితోషకం అందుకోలేకపోతున్నారు. అయితే ప్రియాంక మాత్రం ఆ కార్యక్రమంలో మెరిసి, అరగంట సేపు ఆడిపాడేందుకు గానూ పన్నెండు కోట్ల రెమ్యూనరేషన్ పొందబోతోందనే వార్త అందరినీ ఆశ్చర్యపరుస్తోంది.

ప్రస్తుతం ప్రియాంక చోప్రాకు పీక్ టైమ్ నడుస్తోందని.. ఆమె క్రేజ్ ను క్యాష్ చేసుకోవడానికి ఆ మాత్రం డబ్బు ఇవ్వడానికి సదరు అవార్డ్స్ సెర్మనీ నిర్వాహకులు వెనుకాడటం లేదని బాలీవుడ్ వాలాలు అంటున్నారు. అయితే ఈ రికార్డు స్థాయి రెమ్యూనరేషన్ కు అధికారిక ధ్రువీకరణ లేదు.

Related News