//single page style gallary page

Questions? reply in 15 minutes!

Questions? reply in 15 minutes!

రైలు కూతలు వెనుక రహస్యాలు!

Category : national

రైలు కూతను ఎప్పుడైనా పరిశీలనగా విన్నారా? ఆ కూతల వెనకాల కారణాలు తెలిస్తే ఈ సారి తప్పకుండా వినాలనే ఆసక్తి కలుగుతుంది. ఒక రైళ్లు సురక్షితంగా గమ్యం చేరాలంటే వ్యవస్థ మొత్తం సమన్వయంగా పనిచేయాలి. సిగ్నలింగ్ సిబ్బంది నుంచి లోకో పైలెట్, రైల్వే గార్డుల వరకు ప్రతి ఒక్కరూ అప్రమత్తంగా ఉండాలి. అయితే, అన్ని అంశాలు వైరెలెస్ సెట్ల ద్వారా పంచుకోడానికి వీలు ఉండదు. అందుకే, రైలు కూతలు(హారన్) ద్వారా లోకో పైలెట్ లేదా మోటర్‌మ్యాన్‌లు సిబ్బందికి రైలు గమనం, సమస్యల గురించి సిగ్నళ్లు ఇస్తారు. వారు మోగించే హారన్ తీరును గుర్తించి, తదునుగుణంగా స్పందిస్తుంటారు. మరి, ఆ హారన్ శబ్ధాలకు అర్థం ఏమిటో తెలుసుకుందామా!

> ఒక చిన్న కూత: మోటర్ మ్యాన్ చిన్నగా ఒకసారి హారన్ ఇచ్చాడంటే రైలును కడిగి, శుభ్రం చేసేందుకు యార్డ్‌కు తీసుకెళ్తున్నాడని అర్థం.

> రెండు చిన్న కూతలు: రైలు నడిపేందుకు గార్డును సిగ్నల్ అడగడం.

> మూడు చిన్న కూతలు: ఇది చాలా తక్కువగా వాడతారు. రైలు ఇంజిన్ కంట్రోల్ తప్పినప్పుడు గార్డును వెంటనే వాక్యూమ్ బ్రేక్ వేయమని సూచించేందుకు వాడతారు.

> నాలుగు చిన్న కూతలు: సాంకేతిక సమస్య ఏర్పడి, రైలును ముందుకు తీసుకెళ్లలేని పరిస్థితి ఏర్పడినప్పుడు వాడతారు.

>ఒక పెద్ద కూత, ఒక చిన్న కూత: ఇంజిన్‌ను స్టార్ట్ చేయడానికి ముందు బ్రేక్ పైప్‌లైన్ వ్యవస్థను సిద్ధమైందని గార్డుకు చెప్పేందుకు వాడతారు.

>రెండు పెద్ద కూతలు, రెండు చిన్న కూతలు: ఇంజిన్‌ను కంట్రోల్‌లోకి తీసుకోవాలని గార్డుకు తెలిపేందుకు వాడతారు.

> ఆగకుండా కూతవేయడం: రైలు స్టేషన్లో ఆగకుండా వేగంగా ముందుకెళ్తుందని ప్రయాణికులకు తెలియజేయడం కోసం వాడతారు.

> రెండు సార్లు ఆగి ఆగి కూతలు: రైల్వే క్రాసింగ్ మీదుగా వెళ్లేప్పుడు వాడతారు.

> రెండు పొడవైన కూతలు, ఒక చిన్న కూత: రైలు ట్రాక్ మారుతోందని అర్థం.

> రెండు చిన్న కూతలు, ఒక పెద్ద కూత: ప్రయాణికుడు చైన్ లాగాడని లేదా గార్డ్ వాక్యూమ్ బ్రేక్ వేశాడని అర్థం.

> ఆరుసార్లు, చిన్నకూతలు: రైలు ప్రమాదకర పరిస్థితిలో ఉన్నప్పుడు దీన్ని వాడతారు.