//single page style gallary page

Questions? reply in 15 minutes!

Questions? reply in 15 minutes!

త్వరలో 100 రూపాయల కాయిన్స్

Category : national

గతేడాది నవంబర్ 8న నోట్ల రద్దు చేపట్టిన తర్వాత కొత్త రూ.500, రూ.2,000 నోట్లని తీసుకొచ్చిన కేంద్ర ప్రభుత్వం ఇటీవలే రూ.200, రూ.50 నోట్లని కూడా ప్రవేశపెట్టిన సంగతి తెలిసిందే. ఇదిలావుండగా త్వరలోనే 100 రూపాయల కాయిన్లను కూడా విడుదల చేసేందుకు ఏర్పాట్లు జరుగుతున్నట్టు సోమవారం కేంద్ర ఆర్థిక శాఖ ప్రకటించింది.

తమిళ సినీ లెజెండ్, ఆ రాష్ట్ర దివంగత మాజీ ముఖ్యమంత్రి, ఏఐఏడీఎంకే పార్టీ స్థాపకుడు డా ఎం.జీ. రామచంద్రన్‌ శత జయంతి సందర్భంగా ఆయన జ్ఞాపకార్థం రూ. 100, రూ. 10, రూ. 5 నాణెలను ముద్రిస్తున్నట్లు ఆర్థిఖ శాఖ పేర్కొంది. అంతేకాకుండా ప్రముఖ గాయని, భారత అత్యున్నత పురస్కారమైన భారతరత్న అవార్డు గ్రహీత ఎం.ఎస్. సుబ్బులక్ష్మి శత జయంతి సందర్భంగా ఆమె జ్ఞాపకార్థంగానూ కాయిన్లని విడుదల చేస్తున్నట్టు కేంద్రం తెలిపింది.

రూ. 100 కాయిన్‌ వ్యాసం 44 మిల్లీమీటర్లు ఉంటుందని, కాయిన్‌పై ఒక వైపు నాలుగు సింహాల అశోకుని స్థూపం మరొకవైపు ఎంజీ రామచంద్రన్‌ ఫోటో అచ్చు వేసి ఉంటుందని కేంద్రం స్పష్టంచేసింది. నాలుగు సింహాల అశోకుని స్థూపం వున్న వైపున కింది భాగంలో సత్యమేవ జయతే, ఎడమవైపున దేవనగరి లిపిలో భారత్, కుడివైపున ఇంగ్లీష్‌లో ఇండియా అని ముద్రించి వుంటాయి. ఎం.ఎస్ సుబ్బులక్ష్మి డిజైన్‌తో విడుదలయ్యే కాయిన్‌పై మధ్య భాగంలో ఎం.ఎస్. సుబ్బు లక్ష్మి ఫోటో, పై భాగంలో దేవనగరి స్కిప్టులో ఎం.ఎస్. సుబ్బులక్ష్మి పేరు, ఫోటోకి కింది భాగంలో ఎం.ఎస్. సుబ్బులక్ష్మి శత జయంతి అని రాసి వుండనున్నాయి. డా.ఎం.జీ.ఆర్ ఫోటోతో విడుదలయ్యే కాయిన్‌పై సైతం ఆయన ఫోటో, పేర్లతో ఇటువంటి నిబంధనలతోనే కాయిన్‌ని ముద్రించనున్నట్టు కేంద్రం స్పష్టంచేసింది.