//single page style gallary page

Questions? reply in 15 minutes!

Questions? reply in 15 minutes!

గిన్నిస్ రికార్డులకెక్కిన 1.9 కి.మీ. పిజ్జా.

Category : world

గిన్నిస్ బుక్ ఆఫ్ రికార్డ్స్‌లోకి సరికొత్త ప్రపంచ రికార్డు వచ్చి చేరింది. ప్రపంచంలోనే అత్యంత పొడవైన పిజ్జా గిన్నిస్ బుక్‌లో స్థానం సంపాదించింది. అమెరికాలో 100 మందికి పైగా చెఫ్‌లు కష్టపడి తయారుచేసిన 1,930 మీటర్ల పొడవైన పిజ్జా గిన్నిస్‌ బుక్‌లోకి ఎక్కింది. గతంలో ఈ రికార్డు ఇటలీ పేరిట ఉండేది. పిజ్జాకు జన్మస్థలంగా భావించే ఇటలీలో 1,853.88 మీటర్ల పొడవున్న పిజ్జాను గతంలో తయారుచేశారు. ఇప్పుడు ఈ రికార్డును అమెరికాలోని కాలిఫోర్నియాలో తయారుచేసిన పిజ్జా తిరగరాసింది.

అమెరికాకు చెందిన పిజ్జాఓవెన్స్.కామ్ అనే రెస్టారెంట్ ఈ ఫీట్‌ను సాధించింది. 100 మంది చెఫ్‌లు, వాలంటీర్ల సహాయంతో 1,930.39 మీటర్ల పిజ్జాను తయారుచేసింది. ఈ పిజ్జా తయారీ కోసం 3,632 కేజీల రొట్టెల పిండిని, 1,634 కేజీల చీజ్‌ను, 2,542 కేజీల సాస్‌ను వాడారు. కన్వేయర్ బెల్ట్ సహాయంతో ఈ రొట్టెల పిండిని రెండు కిలోమీటర్ల మేర పరిచారు. దీన్ని వేడిచేయడానికి మూడు ఇండస్ట్రియల్ ఓవెన్‌లను వాడారు. నిర్విరామంగా ఎనిమిది గంటలపాటు ఈ పిజ్జాను వండారు. రికార్డు నెలకొల్పిన తరవాత ఈ పిజ్జాను ముక్కలుగా చేసి ఇళ్లులేని అభాగ్యులకు, అనాధ శరణాలయాలకు పంచిపెట్టారు.